Сүхбаатар дүүрэг, Нарны зам-9, Автозамчдын гудамжинд байрлах төв байрандаа буяны үйлчилгээг нэг цэгээс, цогц хэлбэрээр, түргэн шуурхай хүргэх зорилгоор буяны үйлчилгээ эрхэлдэг төрийн болон төрийн бус байгууллагуудтай хамтран ажиллаж байна.

1. Мэдээлэлийн танхим:

Бурхан болоочдын ар гэрийнхэнд оршуулгын үйл ажиллагаатай холбогдсон үйлчилгээний болон бичиг баримт бүрдүүлэлт, эрх зүйн зөвлөгөө өгч, Алтан-өлгийн хүндэтгэлийн оршуулгын газар, Нарангийн энгэрийн оршуулгын газар, Мааньтын оршуулгын газруудад албан ёсны зөвшөөрөл олгоно.

2. Захиалга хүлээн авагч:

Чандарлаж оршуулах зан үйлийг сонгон бурхан бологсдоо оршуулах ар гэрийнхэнд “Буяны төв цогцолборын" үйлчилгээний дэс дараалал болон үнэ тариф зэрэг шаардлагатай мэдээллийг дэлгэрэнгүй тайлбарлаж, үйлчлүүлэгчдийн сонгосон үйлчилгээний дагуу захиалгыг авч гэрээ байгуулна. 

3. Зурхайч лам:

Бурхан болоочдын алтан сав буюу шинжээг нээж талийгаачийг оршуулах зан үйлийг бурханы номд заасны дагуу гүйцэтгэх талаар зөвлөгөө өгч, засал хийнэ.

4. Фото зураг:

Компьютерт зураг сэргээн засах, хүндэтгэлийн цэцэг хийх, туузан дээр хүндэтгэлийн үг бичих

5. Хайрцаг

Манай компанийн бүтээгдэхүүн үйлдвэрлэлийн газраас Монголчуудын эсгийд ороож оршоодог эртний уламжлалыг орчин үеийн шинэлэг аргатай хослуулан бүтээсэн эсгий шарилын хайрцаг болон лакан хайрцагнууд үйлдвэрлэн борлуулж байна.

6. Хөшөө чулуу:

Манай компани төрөл бүрийн хийц загвартай байгалийн боржин хөшөөн дээр гар бичилт хийх, өнгөлгөөтэй чулуун хавтан дээр компьютероор хөрөг зураг, дурсгалын үг бичих зэрэг үйлчилгээ үзүүлж байна.

7. Үзүүлэнгийн танхим

Цацлын будаа, торго, шар тос, арц, хүж гэх мэт оршуулгын зан үйлд хэрэглэгдэх бүх төрлийн бараа бүтээгдэхүүнийг худалдаалах үйлчилгээ үзүүлж байна.